ՏԵՍԱՆՅՈՒԹ․ Ծովի մակարդակը բարձրացել է․ Հաթայի փողոցները «գետերի են վերածվել»

Թուրքիայի արևմուտքում գտնվող Հաթայ նահանգում մարտի 5–ին 4,5 մագնիտուդով հերթական երկրաշարժից հետո Իսկենդերունի փողոցները գետերի են վերածվել։

Թուրքական լրատվամիջոցների փոխանցմամբ՝ ստորգետնյա ցնցումների էպիկենտրոնը գտնվել է Իսկենդերուն քաղաքից 19 կիլոմետր հյուսիս։ Օջախը եղել է 10 կիլոմետր խորության վրա։

Հաթայ նահանգում անբարենպաստ եղանակային պայմանների մասին օդերևութաբանների կանխատեսումից և նախազգուշացումից հետո մարտի 5–ի ուշ երեկոյան Իսկենդերունի շրջանում փոթորիկ է սկսվել:

Զոհերի և ավերածությունների մասին տեղեկություններ չկան։

Հիշեցնենք` փետրվարի 6-ին Թուրքիայում տեղի ունեցած ուժգին երկրաշարժերից հետո Իսկենդերունի ափերի մոտ ծովի մակարդակը զգալիորեն բարձրացել էր, փողոցներն ու հրապարակները լցվել էին ջրով։ Անվտանգության նկատառումներից ելնելով` բազմաթիվ բնակիչներ տարհանվել էին: