Երկու դիմակավորված անձ գիշերը հարձակավել են ազտամարտիկի վրա. Հրապարակ
Երեկ երեկոյան` 22:30-ին դուրս եկա տանից,գնում էի խանութ։ Մի 40 մետր էի անցել,որ հետեւից գլխիս շատ ուժեղ հարված զգացի։ «Հրապարակի» հետ զրույցում իր վրա հարձակման դեպքի մասին պատմլ է Արցախյան երեք ազատամարտում մասնակից Շահե Աճեմյանը։
«Երբ հարվածեցին գլխիս, շրջվեցի ու ձեռքով մի լավ հասցրի ինձ հարվածեցին։ Սա հետ քաշվեց ու սկսեց փախնել, շրջվեցի երկրորդի կողմը, որ դրան էլ հասցնեմ` սա էլ փախավ։ Կազմվածքներից, ձեռքերից կարող եմ ենթադրել, որ 20-26 տարեկան լակոտներ էին»,-նշել է ազատամարտիկը։
Հարձակումից ընդամենը 30 րոպե անց Աճեմյանին փակ համարից զանգ է գալիս, հայհոյում են ու սպառնում հաշվեհարդար տեսնել Արցախյան ազատամարտի մասնակցի հետ։
Ազատամարտիկը հավելել է, որ չի դիմել և չի էլ պատրաստվում, քանի որ վստահ է`չեն կարողանալու բացահայտել գործը։
«Գիշերը երկու դիմակավորված անձ հարձակվել են, ոնց եք պատկերացնում նրանց գտնել»,-ասել է Աճեմյանը։
Հարցին, թե արդյո՞ք կասկածներ ունի՝ իր վրա հարձակման պատճառը որը կարող էր լինել` ընդդիմադիր կեցվա՞ծքը, թե՞ անձնական պատճառներ,ասել է. «Ոչինչ չեմ բացառում, երկուսն էլ հավանական են։ Մեկ-երկու հոգու հետ կապված կասկածներ ունեմ, սակայն կասկած ունենալը դեռ չի նշանակում փաստեր ունենալ»։
Շահե Աճեմյանի ինքնազգացողությունն այս պահին նորմալ է։
