Երեխաներ տեղափոխող ավտոբուսը վթարի է ենթարկվել. Ֆրանսիա

Շաբաթ օրը դպրոցական ավտոբուսը վթարի է ենթարկվել Ֆրանսիայի հարավ-արևելյան Իզեր դեպարտամենտում։ Առնվազն տասնվեց մարդ վիրավորվել է։
 

Տեղական լրատվամիջոցների փոխանցմամբ՝ վթարը տեղի է ունեցել Կոր քաղաքի մոտ։ Վարորդը կորցրել է մեքենայի կառավարումը, և մեքենան մեծ արագությամբ դուրս է եկել մայրուղուց՝ ընկնելով խորը փոսը:

Արձակուրդներից հետո դպրոցականները Բարձր Ալպեր դեպարտամենտից ուղևորվում էին Գրենոբլի երկաթուղային կայարան՝ գնացքով Փարիզ մեկնելու համար, հայտնում է ՏԱՍՍ-ը։

Միջադեպի հետևանքով առնվազն 16 մարդ ստացել է տարբեր աստիճանի մարմնական վնասվածքներ, չորսի վիճակը գնահատվում է ծայրահեղ ծանր։ Ընդհանուր առմամբ, ավտոբուսում եղել է տարրական դասարանների 40 աշակերտ և 6 ուղեկցորդ։
 

Վթարի վայրում տասնյակ փրկարարներ են աշխատում, դեպքի առթիվ ծառայողական քննություն է սկսվել։