ՏԵՍԱՆՅՈՒԹ. Ուկրաինայից զինված ռուսների խումբ էր ներխուժել Բրյանսկ. ՌԴ-ն նոր կադրեր է հրապարակել
Ռուսաստանի Դաշնության Անվտանգության դաշնային ծառայությունը հրապարակել է Բրյանսկի շրջանում այն մեքենաների կադրերը, որոնց վրա կրակել են դիվերսանտները: Ըստ Коммерсант-ի` մարտի 2-ին դիվերսանտները հարձակվել են սահմանամերձ Լյուբեչանե գյուղի վրա։ Արդյունքում՝ այնտեղ գտնվող երկու տղամարդ սպանվել են, մեկ երեխա վիրավորվել։
Ավելի վաղ հաղորդել էինք, որ Ռուսաստանի կամավորական կորպուսի մի խումբ զինյալներ, որոնք կապված են Ուկրաինայի զինված ուժերի հետ,
մարտի 2-ին ժամը 10։00-ին մտել են Բրյանսկի շրջանի տարածք, բաժանվել երկու խմբի ու գնացել Սուշանի և Լյուբեչան գյուղերի ուղղությամբ, որտեղ պատանդ են վերցրել տեղի բնակիչներին։ Կա երկու զոհ:
«Ռուս կամավորական կորպուսը»՝ Ուկրաինայի կողմից ստեղծված կազմավորում է, որի անդամները ազգությամբ ռուս են:
