Ղազախստանը պարզել է AZAL ինքնաթիռի կործանման հնարավոր պատճառը

AZAL ինքնաթիռը, ենթադրաբար, վնասվել է մարտագլխիկների բեկորներից, որոնց ինքնությունը դեռևս պարզված չէ, ասվում է Ղազախստանի տրանսպորտի նախարարության կողմից Ակտաուի մոտ «Ադրբեջանական ավիաուղիներ» ընկերության Embraer 190 ինքնաթիռի կործանման հետաքննության վերաբերյալ հրապարակված միջանկյալ զեկույցում։

Հիշենենք` Բաքվից Գրոզնի թռչող «Ադրբեջանական ավիաուղիներ» (AZAL) Embraer 190 ինքնաթիռը վթարի է ենթարկվել 2024 թվականի դեկտեմբերի 25-ի առավոտյան՝ Ղազախստանի արևմուտքում գտնվող Ակտաու քաղաքի մոտ։ Ավիաընկերության տվյալներով՝ ինքնաթիռում եղել է 62 ուղևոր և անձնակազմի հինգ անդամ։ Ղազախստանի արտակարգ իրավիճակների նախարարության տվյալներով՝ 29 մարդ ողջ է մնացել։