Ռուսաստանը խափանեց երկիրը մասնատելու Արևմուտքի ծրագրերը․ Լավրով
Ռուսաստանին հաջողվել է խափանել Մոսկվային մեկուսացնելու Արևմուտքի ծրագրերը՝ ապահովելով համագործակցությունն աշխարհի մեծամասնության հետ, երկուշաբթի օրը հայտարարել է Ռուսաստանի արտգործնախարար Սերգեյ Լավրովը։
«Աշխարհը թեւակոխել է կարդինալ անշրջելի փոփոխությունների դարաշրջան։ Մեզ հաջողվեց ոչ միայն տապալել հավաքական Արևմուտքի՝ Ռուսաստանը մեկուսացնելու և նույնիսկ մասնատելու ծրագրերը, ինչպես նաև ապահովել շարունակական համագործակցությունը միջազգային հանրության անդամների ճնշող մեծամասնության հետ»-, ասել է նախարարը` ելույթ ունենալով տարածքային մարմինների ղեկավարների` Դաշնության սուբյեկտներում Ռուսաստանի արտաքին գործերի նախարարության ներկայացուցիչների հետ հանդիպմանը:
Լավրովը հավելել է, որ Ռուսաստանը զարգացնում է ավելի սերտ և արդյունավետ կապեր համաշխարհային մեծամասնության հետ։
