Ադրբեջանական ընդդիմության առաջնորդ Սուլեյման Սուլեյմանլին քննադատել է Ալիևների ընտանիքը և մեղադրել նրանց սեփական ժողովրդի միջոցները յուրացնելու մեջ։ 

Ինչպես փոխանցում է Ինֆոտեկա 24-ը, նա, մասնավորապես, գրում է, որ փաստագրված է, որ ավելի քան 1 մլրդ դոլար արժողությամբ Դուբայի Sofitel հյուրանոցային համալիրը Ալիևները գնել են ժողովրդից գողացված փողերով։

«Այս հյուրանոցը պատկանում է Sahra FZCO-ին, որն էլ իր հերթին պատկանում է նախագահի դստերը: Հյուրանոցը կառուցել է Mirk Group կառավարող ընկերությունը։ Ժողովրդից գողացված փողերով միլիարդներ են ներդրել տարբեր երկրներում։ Ժողովրդի երեխաների նպաստը կտրեցին, ծախսեցին իրենց երեխաների վրա»,- թվիթերյան իր էջում գրել է ընդդիմադիրը։