ՏԵՍԱՆՅՈՒԹ․ Տիգրանը հանել է բարձրախոսն ու միացրել երաժշտություն, այնուհետև գոռացել՝ «Փախե՛ք» և կրակել ոստիկանի վրա

Նախնական տվյալներով՝ առավոտյան 50-ամյա Տիգրան Խաչիկյանը, իր հետ վերցնելով երկու պոմպային որսորդական հրացան, պարկուճ, նախապես պատրաստված երկու «Մոլոտովի կոկտեյլ» և երաժշտական բարձրախոս (դինամիկ), Բուրցևայի փողոցում նստել է տաքսի և մեքենայով գնացել է մետրոյի «Պրոսպեկտ Վետերանով» կայարան: 

Այնտեղ նա նստել է մեկ այլ մեքենա և գնացել դեպի Սադովայա փողոց, այնուհետև քայլել դեպի մետրոյի Գոստինի դվոր կայարան։

Մուտքից ոչ հեռու տղամարդը հանել է բարձրախոսն ու միացրել երաժշտությունը, ինչն էլ գրավել է ոստիկանների ուշադրությունը։ 

Հանգամանքները պարզելու համար մոտեցել են նրան, ապա օտարերկրացին բղավել է նրանց. «Փախե՛ք»։ Ոստիկանության աշխատակիցներից մեկը փորձել է բերման ենթարկել հարձակվողին, սակայն նա հանել է  որսորդական հրացանը և մի քանի անգամ կրակել տուժողի վրա։

Հիշեցնենք՝ Ուզբեկստանից  50-ամյա Տիգրան Խաչիկյանը մի քանի կրակոց է արձակել OMON-ի 43-ամյա սպայի ուղղությամբ։ Տուժածին շտապ բժշկական օգնություն է անհրաժեշտ եղել։