ՏԵՍԱՆՅՈՒԹ․ 50-ամյա Տիգրան Խաչիկյանը Պետերբուգում կրակել է ոստիկանի վրա

Սանկտ Պետերբուրգի մետրոներց մեկի մոտ օտարերկրացին որսորդական հրացանով կրակել է OMON-ի սպայի վրա, հարձակվողը ձերբակալվել է, հայտնում է Shot Telegram ալիքը։

Նախնական տվյալներով՝ մետրոյի «Գոստինի դվոր» կայարանի մուտքի մոտ Ուզբեկստանից  50-ամյա Տիգրան Խաչիկյանը մի քանի կրակոց է արձակել OMON-ի 43-ամյա սպայի ուղղությամբ։ Տուժածին շտապ բժշկական օգնություն է անհրաժեշտ եղել։

Նա այժմ գտնվում է վերակենդանացման բաժանմունքում։ Բժիշկները նրա վիճակը գնահատել են ծանր։ Տղամարդու մոտ ախտորոշվել է որովայնի բազմաթիվ հրազենային թափանցող վերքեր։

Կասկածյալը կալանավորվել է։ Նրա դեմ քրեական գործ է հարուցվել «Ոտնձգություն իրավապահի կյանքի նկատմամբ» հոդվածով։

Հստակեցվում է, որ կասկածյալը ոչ մի տեղ չի աշխատում։ Նախկինում տղամարդը քրեական հետապնդման չի ենթարկվել։ Նրա արարքի պատճառներն ու հանգամանքները հետաքննվում են։