ՏԵՍԱՆՅՈՒԹ․ Խոշոր Հրդեհ Թբիլիսիում՝ այրվում է բարձրահարկ շենք
Թբիլիսիի պատմական Օրթաչալա թաղամասում կառուցվող բազմահարկ շենքում հրդեհ է բռնկվել, հաղորդում է Mtavari Arkhi հեռուստաալիքը։
Ուժեղ ծուխ է նկատվել նորակառույց շենքում, որը գտնվում է Վրաստանի ՆԳՆ շենքերից մեկի մոտ։ Առկա տեղեկությունների համաձայն՝ այրվում է շինանյութ։
Լրատվամիջոցների տեղեկություններով՝ շենքում աշխատող բոլոր շինարարները դուրս են բերվել։
Հետևանքների մասին առայժմ տեղեկություններ չկան։
Արտակարգ իրավիճակների կառավարման ծառայությունից հայտնել են, որ տեղում մոբիլիզացվել են մարտական հաշվարկները, աշխատանքներ են տարվում հրդեհը մարելու ուղղությամբ։
