ԼՈՒՍԱՆԿԱՐՆԵՐ. Կործանված ՍՈՒ-25 ինքնաթիռի օդաչուն մահացել է. նոր մանրամասներ
ՌԴ Բելգորոդի մարզում կործանված ՌԴ օդատիեզերական ուժերի ՍՈՒ-25 ինքնաթիռի օդաչուն մահացել է։ Վթարի պատճառը, ըստ նախնական տվյալների, եղել է տեխնիկական անսարքությունը։ Տեղեկատվությունը փոխանցում է rbc.ru-ն:
Երկրի պաշտպանության նախարարությունից հայտնել են, որ վթարը տեղի է ունեցել այն ժամանակ, երբ մարտական առաջադրանքն ավարտելուց հետո ինքնաթիռը վերադառնում էր օդանավակայան։
«Ինքնաթիռը կործանվել է ամայի տարածքում, ավերածություններ չկան», - ավելացրել են նրանք։
Հիշեցնենք` Ռուսաստանի Բելգորոդի մարզում Սու-25-ը կործանվել է: Ինքնաթիռի կործանման մասին տեղեկությունն արդեն հաստատել է տեղի նահանգապետը՝ նշելով, որ փրկարարներն արդեն մեկնել են վայր։
