Թուրքիայում քաղաքացիներին դուդուկ են բաժանում․ «Իրավունք»
Թուրքիայում փետրվարի 20-ին կրկին երկրաշարժ է տեղի ունեցել, այս անգամ` Անթաքիա քաղաքում: Ընդհանուր առմամբ` իրավիճակը շարունակում է լարված մնալ ամբողջ Թուրքիայում: Տեղի հայերից «Իրավունքին» փոխանցել են, որ ամեն րոպե սպասում են նոր երկրաշարժի, ընդ որում` զգուշացրել են, որ կարող է այն ավելի ուժգին լինել:
Մարդիկ կտրոնով օգնություն են ստանում, որոնք բերվել են այլ երկրներից, չունեն ո՛չ ուտելիք, ո՛չ ապրելու օթևան: Ուշագրավ է այն, որ որոշ հատվածներում ժողովրդին դուդուկ են բաժանել, որ երկրաշարժի դեպքում` փլատակներից կարողանան ձայն հանել, որպեսզի կարողանան գտնել:
