ՀՀ առողջապահության նախարար Անահիտ Ավանեսյանն այսօրվա ասուլիսի ժամանակ մանրամասներ է հայտնել պարտադիր առողջապահական ապահովագրության համակարգից։

Նրա խոսքով, նախարարությունը որդեգրել է այս համակարգի անցման փուլային տարբերակը։

Ինչ վերաբերում է ապահովագրական փաթեթին, ըստ Ավանեսյանի, այն կախված չի լինելու քաղաքացու եկամուտներից, այլ հաստատուն արժեք է ունենալու։ 

Փաթեթում ընդգրկված ծառայությունների թվում է լինելու նաև սրտանոթային, քաղցկեղային հիվանդությունները, սքրինինգային հետազոտությունները, վիրահատությունները. «Թանկարժեք ծառայությունները ևս հասանելի են լինելու ապահովագրության փաթեթի մեջ»։

Անահիտ Ավանեսյանը վստահեցրեց, որ ապահովագրական փաթեթը լինելու է ընդգրկուն. «Մենք ունենք նվիրում, քաղաքական կամք և խոստում, որ այս համակարգը ներդրվի»,- շեշտել է Անահիտ Ավանեսյանը՝ հավելելով,- «Անելու ենք ամեն ինչ, որ հաջողի համակարգը»։