Ռուս լրագրողին դատապարտել են ռուսական բանակի մասին տեղեկություններ տարածելու համար

Բառնաուլ քաղաքի դատարանը RusNews-ի լրագրող Մարիա Պոնոմարենկոյին դատապարտել է վեց տարվա ազատազրկման։ Նա մեղավոր է ճանաչվել ռուսական բանակի մասին տեղեկություններ տարածելու մեջ։ Ռուսական կողմի պնդմամբ այս տեղեկությունները կեղծ են եղել։ Հայտնում է Sibir.Realii-ի փաստաբան Դմիտրի Շիտովը։

Պոնոմարենկոյին 5 տարով արգելել են նաև համացանցում հասարակական գործունեությամբ զբաղվել։ Պաշտպանական կողմը նախատեսում է բողոքարկել դատավճիռը։

Մեղադրող կողմի տվյալներով՝ Պոնոմարենկոն Telegram-ի «Ոչ գրաքննություն» ալիքում հրապարակել է Մարիուպոլի բնակիչների մասին, ովքեր զոհվել են քաղաքային թատրոնի ռուսական ռմբակոծության ժամանակ։

«Հավատացեք ինձ, ճաղերի հետևում կան շատ ավելի պարկեշտ մարդիկ, քան «Едим Россию» կուսակցությունում: Ես դժվար թե կարողանամ պայմանական վաղաժամկետ ազատվել։ Ոչ մի տոտալիտար ռեժիմ երբեք այնքան ուժեղ չի եղել, որքան փլուզումից առաջ»-, ասել է Պոնոմարենկոն իր վերջին ելույթում։