ԼՈՒՍԱՆԿԱՐՆԵՐ. Հայաստանը Սիրիային ուղարկել է ավելի քան 30 տոննա օգնություն․ Փամբուխչյան
ԱԻՆ նախարար Արմեն Փամբուխչյանը ֆեյսբուքյան իր էջում տեղեկացրել է, որ Հայաստանը Սիրիային ուղարկել է ավելի քան 30 տոննա օգնություն:
«Արտակարգ իրավիճակների նախարարությունը ՀՀ վարչապետի հանձնարարականով կազմակերպել է դեպի երկրաշարժից տուժած Սիրիայի Արաբական Հանրապետություն ավելի քան 30 տոննա օգնության տեղափոխությունը։
Մարդասիրական բեռը ներառել է սնունդ, դեղորայք և բժշկական սարքավորումներ: Այն Սիրիա է ուղարկվելու Երևանի «Էրեբունի» օդանավակայանից, որտեղ հետևել եմ գործընթացին»,- հայտնում է ԱԻՆ նախարար Արմեն Փամբուխչյանը։
