Կրեմլը սպասում է Նյու Դելիի պաշտոնական դիրքորոշմանը նավթի հարցով․ Պեսկով
Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Մոսկվան առայժմ որևէ պաշտոնական հայտարարություն չի ստացել Հնդկաստանի կողմից՝ ռուսական նավթի գնումներից հրաժարվելու վերաբերյալ։ Նրա խոսքով՝ նման տեղեկություններ Նյու Դելիից չեն փոխանցվել։
Պեսկովը այս մասին ասել է լրագրողների հարցերին պատասխանելիս՝ մեկնաբանելով Հնդկաստանի և Միացյալ Նահանգների միջև վերջերս հայտարարված առևտրային համաձայնագրի ֆոնին առաջացած քննարկումները։ Նա ընդգծել է, որ Ռուսաստանի իշխանություններն ելնում են միայն պաշտոնական հայտարարություններից և հաստատված հաղորդագրություններից։
Ավելի վաղ ԱՄՆ նախագահ Դոնալդ Թրամփը հայտարարել էր ԱՄՆ–Հնդկաստան առևտրային գործարքի մասին, որի շրջանակում նախատեսվում է փոխադարձ մաքսատուրքի նվազեցում մինչև 18 տոկոս։ Ըստ ամերիկյան կողմի՝ սա կլինի ամենացածր մաքսատուրքը Հնդկական ենթամայրցամաքի երկրների շարքում։
Ռուսական կողմը ներկայումս որևէ փոփոխություն չի արձանագրում Հնդկաստանի դիրքորոշման մեջ՝ կապված ռուսական էներգակիրների ներմուծման հետ և սպասում է Նյու Դելիի պաշտոնական դիրքորոշմանը, եթե այն փոփոխվի։
