Հայ-թուրքական սահմանի բացումից առաջ Հայաստանը պետք է օրենքներով պաշտպանի իր շահերը. Էդմոն Մարուքյան

Կարճ տեսանյութ էի հրապարակել, որում առաջարկում էի, որ Հայ-թուրքական սահմանի բացումից առաջ Հայաստանը օրենքներ ընդունի, որպեսզի կարողանանք պաշտպանել մեր տնտեսությունը, հողը, գույքը՝ կարճ ասած՝ մեր շահերը։ Այս մասին գրել է «Լուսավոր Հայաստան» կուսակցության ղեկավար Էդմոն Մարուքյանը։

Նա, մասնավորապես, նշել է. «Տեսանյութում որևէ քննադատություն չկար․ ընդամենը պետականամետ դիրքորոշում էր՝ առաջարկ և գործելու կոչ։ Սակայն դրանից հետո սոցիալական ցանցերում ինձ վրա հարձակվեցին տարբեր հայկական անուն ազգանուն կրող օգտահաշիվներ՝ կեղտոտ բառապաշարով ինձ մեղադրանքներ ուղղելով և տարածելով ատելության խոսք։

Հարց է առաջանում. ովքե՞ր են այդ օգտատերերը։ Չեմ ուզում հավատալ, որ կան հայ մարդիկ, որոնք Հայաստան-Թուրքիա սահմանի բացման պահին ուզում են տեսնել մեր պետությունը՝ օրենքի տեսանկյունից անպաշտպան և խոցելի»։