ՌԴ ԱԳՆ-ն անդրադարձել է Իրանի վերաբերյալ ԱՄՆ-ի դիրքորոշմանը
ԱՄՆ-ն Իրանին ազդանշաններ է փոխանցում, որ միջուկային ծրագրի շուրջ համաձայնության հասնելը հնարավոր է, սակայն Վաշինգտոնի առաջարկները կրում են վերջնագրային բնույթ։ Այս մասին հայտարարել է Ռուսաստանի փոխարտգործնախարար Սերգեյ Ռյաբկովը։
Նրա խոսքով՝ վստահ չէ, որ «փոխզիջում» բառը Վաշինգտոնի բառապաշարում ներկայումս առկա է։
Ռյաբկովն ընդգծել է, որ ԱՄՆ-ի առաջարկներն Իրանին հավասարազոր են վերջնագրի, և հավելել, որ Վաշինգտոնը դադարեցրել է արտաքին քաղաքականության մեջ փոխզիջումների որոնումը։
