ՌԴ ԱԳՆ-ն՝ Հայաստանի մասին․ Ռուսաստանն ուշադրիր կհետևի տարածաշրջանում տեղի ունեցողին
Ռուսաստանի արտաքին գործերի նախարար Սերգեյ Լավրովը հայտարարել է, որ Հայաստանի արտաքին կապերի դիվերսիֆիկացումը, Մոսկվայի գնահատմամբ, չի ենթադրում համագործակցության կրճատում ավանդական գործընկերների հետ։ Նրա խոսքով՝ Ռուսաստանը ելնում է այն մոտեցումից, որ Երևանի արտաքին քաղաքական բազմակողմ զարգացումը չի նշանակում կողմնորոշման փոփոխություն կամ հրաժարում արդեն ձևավորված դաշնակցային հարաբերություններից։
Լավրովը նշել է, որ ռուսական կողմը բաց և ուղիղ ձևով ներկայացնում է իր գնահատականները Հայաստանի և Եվրոպական միության միջև հարաբերությունների խորացման վերաբերյալ։ Նրա խոսքով՝ Մոսկվան ուշադրությամբ հետևում է այդ գործընթացներին և իր դիրքորոշումը փոխանցում է հայ գործընկերներին։
ՌԴ ԱԳ նախարարի կարծիքով՝ Հարավային Կովկասի երկրներում, այդ թվում՝ Հայաստանում, գիտակցում են, որ Բրյուսելի և Վաշինգտոնի հայտարարած բարենպաստ նախաձեռնությունների հետևում կարող է լինել քաղաքական հաշվարկ։ Նա ընդգծել է, որ տվյալ տարածաշրջանը արևմտյան որոշ կենտրոնների համար դիտարկվում է որպես հնարավոր ազդեցության գոտի։
Լավրովի խոսքով՝ Հարավային Կովկասը, որի հետ Ռուսաստանը ունի պատմական և սերտ կապեր, որոշ ուժերի կողմից ընկալվում է որպես հնարավոր ճնշման գործիք՝ Մոսկվային վնաս հասցնելու նպատակով։
ՌԴ ԱԳՆ-ի տարարծած հաղորդագրության համաձայն՝ Ռուսաստանը շարունակելու է ուշադրությամբ վերաբերվել տարածաշրջանում տեղի ունեցող զարգացումներին։
