ԱՄՆ-ն պատրաստում է 12 միլիարդ դոլարի «հանքային պահոց»՝ ի պատասխան չինական ճնշման. WSJ
ԱՄՆ նախագհ Դոնալդ Թրամփի վարչակազմը նախատեսում է ստեղծել մոտ 12 միլիարդ դոլարի արժողությամբ կարևորագույն հանքանյութերի ռազմավարական պահուստ՝ ամերիկյան արդյունաբերության չինական մատակարարումներից կախվածությունը նվազեցնելու համար։ Այս մասին հայտնել է WSJ-ը՝ հղում անելով Սպիտակ տան խոսնակին։
«Project Vault» անվամբ նախագիծը պատասխան է Չինաստանի կողմից իր մատակարարման շղթայի գերիշխանության օգտագործմանը՝ ԱՄՆ հիմնական արդյունաբերությունների վրա ճնշում գործադրելու համար։
Ֆինանսավորումը կներառի մոտ 1.67 միլիարդ դոլար մասնավոր կապիտալ և 10 միլիարդ դոլարի վարկ ԱՄՆ արտահանման-ներմուծման բանկից (Ex-Im Bank): Պահուստը կձևավորվի ավտոարտադրողներից, տեխնոլոգիական ընկերություններից և արտադրողներից հավաքված նյութերից, այդ թվում՝ հազվագյուտ հողային տարրերից, գալիումից և կոբալտից։
