ՏԵՍԱՆՅՈՒԹ. Թուրքիայի Հաթայ բնակավայրում ծովի մակարդակը բարձրացել է, ջուրը հեղեղել է փողոցները
Երկրաշարժից հետո Թուրքիայի Հաթայ բնակավայրի Իսկենդերուն թաղամասում ծովի մակարդակը բարձրացել է: Ջուրը հեղեղել է փողոցները: Այս մասին հաղորդում է Sputnik-ի թուրքական ծառայությունը:
Նշվում է, որ ջուրը հասել է մեքենաների անվադողերի մակարդակին: Վարորդները դժվարանում են ճանապարհին տեղաշարժվել: Ճանապարհային ոստիկանությունը մեքենաներն ուղղորդում է այլընտրանքային երթուղիներ։ Հավելենք, որ ծովից եկող ջուրը տներին դեռ չի հասել։
Մանրամասները` տեսանյութում:
Հիշեցնենք, որ Թուրքիայում տեղի ունեցած ուժգին երկրաշարժի զոհերի թիվը հասել է 3549-ի, այս մասին հայտարարել է այդ երկրի նախագահ Ռեջեփ Թայիփ Էրդողանը։ Եվս 22 168 մարդ վիրավոր է: Էրդողանի խոսքով՝ իշխանություններն ավելի քան 5,3 մլրդ դոլար են հատկացրել երկրաշարժի հետևանքների վերացման համար։
