ԼՈՒՍԱՆԿԱՐՆԵՐ. Խոշոր հրդեհ` Մարալիկի կարի արտադրամասում. այրվել է 20 տոննա հումք
Հրդեհ Մարալիկ քաղաքում: Այս մասին տեղեկացնում է Ներքին գործերի նախարարությունը:
Փետրվարի 9-ին, ժամը 05։42-ին Շիրակի մարզային ճգնաժամային կառավարման կենտրոն ահազանգ է ստացվել, որ Մարալիկ քաղաքի կարի արտադրամասի բամբակի պահեստում հրդեհ է բռնկվել։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։
Պարզվել է, որ հրդեհը բռնկվել է Գագարինի փողոցում գտնվող «ԱՐԹԻԿԻ ՓՀԿ» ՍՊԸ-ին պատկանող բամբակամանվածքային ֆաբիրկայի նախապատրաստական արտադրամասում (մոտ 900 քմ):
Հրդեհը մեկուսացվել է ժամը 08։15-ին, մարվել՝ 15։43-ին։ Նախապատրաստական արտադրամասում այրվել են ֆիլտրի վահանակը, կուտակած հումք (մոտ 20 տ), գործվածքի թափոններ (մոտ 5 տ) և բունկերում կուտակած 3 տ բամբակից մոտ 3 խմ։
