Թարմ տվյալներ երկրաշարժերից զոհերի թվի և հետցնցումների մասին
Եվրոպական սեյսմոլոգիական կենտրոնի տվյալներով՝ Թուրքիայում և Սիրիայում փետրվարի լույս 6-ի գիշերը տեղի ունեցած երկրաշարժից հետո հետցնցումների թիվը սկսել է նվազել։ Ինչպես հայտնում է «ՌԻԱ Նովոստի»-ն, այս մասին Twitter-ում հայտնել է Եվրոպական սեյսմոլոգիական կենտրոնը:
«Երկու հզոր երկրաշարժերից հետո հետցնցումների հաճախականությունը սկսել է նվազել»,- ասված է հաղորդագրության մեջ։
Թուրքիայում և Սիրիայում փետրվարի 6-ին տեղի ունեցած երկրաշարժերի զոհերի թիվը հասել 5261-ի, կան հազարավոր վիրավորներ: Երկու երկրներում հազարավոր շենքեր են փլուզվել: Մարդասիրական կազմակերպությունները հատկապես մտահոգված են Սիրիայի հյուսիս-արևմտյան հատվածի բնակիչների համար, քանի որ այնտեղ 4 միլիոն մարդ արդեն իսկ ապրում էր մարդասիրական օգնության հույսով:
Վերջին տվյալների համաձայն՝ Թուրքիայում փետրվարի լույս 6-ի գիշերը տեղի ունեցած 7.8 մագնիտուդ հզորությամբ երկրաշարժի զոհերի թիվը հասել է 3549-ի, վիրավորներինը՝ 22 168-ի։ Սիրիայում զոհերի թիվը հասել է 1712-ի, վիրավորներինը՝ 3649-ի:
