ԼՈՒՍԱՆԿԱՐՆԵՐ․ Սիրիայում երկրաշաժի հետևանքով Հալեպի Կիլիկյան ճեմարանը վնասվել է

Սիրիայում վաղ առավոտյան տեղի ունեցած ավերիչ երկրաշարժի հետևանքով խոշոր վնասներ են կրել նաև հայաբնակ թաղամասերն ու շինությունները։

 Երկրաշաժի հետևանքով վնասվել է նաև Հալեպի Կիլիկյան ճեմարանը։ Այս մասին տեղեկացրել է Սիրիաբնակ գործիչ, Սոցիալ Դեմոկրատ Հնչակյան կուսակցության Հալեպի վարիչ մարմնի ատենապետ Ավո Խոշաֆյան։ Փոխանցում է 24News-ը։

Խոշաֆյանը հստակեցրել է, որ կից նկարներում Կիլիկյան ճեմարանի թաղամասն է։ 

«Դպրոցը 3 մաս ունի՝ մանկապարտեզ, երկրորդական, նախակրթարան։ Նկարներում երևում է վնասված նախակրթարանը։ Նորից պետք է սկսեինք մեր այբուբենը սովորեցնել պատերազմի պայմաններում, այս անգամ արդեն երկրաշարժը խանգարեց։ Բայց Աստծո կամքով պետք է շարունակենք մեր այբուբենը Սփյուռքի մեջ սովորեցնել և առաջ տանել»,- հավելել է սիրահայ գործիչը։

[f9297485224e91dd941552090b830f0c.jpg]

[06ce29668d13c407be0528942e62a21e.jpg]

[c12685e019d3e2ec370ca7ce0cdce3bf.jpg]

[f93301da062c2c3f7bf9c9b69db3b26d.jpg]