Բլինքենը կհանդիպի Սի Ծինփինին` Չինաստան այցի ժամանակ
ԱՄՆ պետքարտուղար Էնթոնի Բլինքենը հաջորդ շաբաթ Պեկին կատարելիք այցի ընթացքում կհանդիպի Չինաստանի նախագահ Սի Ծինփինին: Այս մասին հաղորդել է Financial Times-ը՝ վկայակոչելով ծրագրերին ծանոթ մարդկանց:
Բլինքենը փետրվարի 5-6-ը Չինաստան կատարելիք այցի ընթացքում չինացի պաշտոնյաների հետ կքննարկի Ուկրաինայում Ռուսաստանի պատերազմը, երեքշաբթի հայտնել է Սպիտակ տան ազգային անվտանգության խոսնակ Ջոն Քիրբին:
ԱՄՆ-ի և Չինաստանի հարաբերությունները լարված են եղել այնպիսի հարցերի շուրջ, ինչպիսիք են անվտանգությունը, Թայվանը, առևտուրը, COVID-19 համավարակի կառավարումը և Ասիայի Խաղաղօվկիանոսյան տարածաշրջանում գերակայությունը:
Միացյալ Նահանգները նախազգուշացրել է Չինաստանի կառավարությանը հետեւանքների մասին, եթե Չինաստանը զենք տրամադրի Ռուսաստանին՝ Ուկրաինայի դեմ օգտագործելու համար։
