Այս պահին վիճակը բավարար․ Ավանեսյանը խոսեց այրվածքներ ստացած զինծառայողների առողջական վիճակի մասին

Առողջապահության նախարար Անահիտ Ավանեսյանը լրագրողների հետ զրույցում ասաց, որ այրվածքներ ստացած զինծառայողների առողջական վիճակը բավարար է:

«Ինչպես գիտեք, այրվածքներով պացիենտները սովորաբար բավական երկար բուժում են ստանում, և որոշ դեպքերում նաև վիրահատության շրջան ունենք։ Ուստի, այս պահին վիճակը բավարար է, անհրաժեշտ բուժօգնությունը տրամադրվում է։ Եվ առաջիկայում էլ ինչ անհրաժեշտ լինի նրանց առողջությունը վերականգնելու համար, կիրականացվի»,- ասաց նա։ 

Ավանեսյանը հավելեց, որ այրվածքներով բուժում ստացող երեք զինծառայողների կյանքին վտանգ չի սպառնում։

Հիշեցնենք` հունվարի 19-ին՝ ժամը 01:30-ի սահմաններում, հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Հրդեհի հետևանքով զոհվել է 15 զինծառայող: