Մոսկվայի օդանավակայաններում չվերթներ են չեղարկվել կամ հետաձգվել
Մոսկվայի երեք օդանավակայաններում այսօր 30 չվերթ է չեղարկվել կամ հետաձգվել։ Այս մասին վկայում են «Яндекс.Расписания» կայքի տվյալները։
«Վնուկովո» օդանավակայանում հետաձգվել է 9 չվերթ, իսկ չորս օդանավերի թռիչքները չեղարկվել են։ «Դոմոդեդովո»-ում 12 չվերթ է հետաձգվել, մեկը՝ չեղարկվել, «Շերեմետևո»-ում 4 չվերթ է հետաձգվել։ «Ժուկովսկի» օդանավակայանում ժամանակացույցի խափանումների մասին տեղեկություններ չկան։
Մոսկվայի օդանավակայաններում տասնյակ չվերթերի ժամանակի փոփոխության պատճառը չի նշվում։
Ավելի վաղ հայտնի էր դարձել, որ «Պոբեդա» ավիաընկերությունը ձեռքի ուղեբեռ տեղափոխելու իր կանոնների անօրինականության մասին Ռուսաստանի Գերագույն դատարանի որոշումից հետո կփոխի ուղևորների համար պահանջների ձևակերպումը: Միևնույն ժամանակ, լոուքոսթերի թռիչքներում ուղեբեռի և ձեռքի ուղեբեռի փոխադրման ընդհանուր մոտեցումը չի փոխվի:
