«Չկա հստակություն, թե արդյոք Վլադիմիր Պուտինն ընդհանրապես ողջ է». Զելենսկի
Հիմա պարզ չէ, թե Ռուսաստանի Դաշնության ներկայացուցիչներից ում հետ է հնարավոր բանակցել։ Չկա նաև հստակություն, թե արդյոք Վլադիմիր Պուտինն ընդհանրապես ողջ է։ Այս մասին Դավոսում ուկրաինական նախաճաշի ժամանակ ասել է Ուկրաինայի նախագահ Վլադիմիր Զելենսկին։
«Բանակցությունները խաղաղություն չեն. դա պետք է ճանաչվի կողմերի կողմից։ Այնուամենայնիվ, իմ նախագահության սկզբից մենք ամեն ինչ արել ենք դիվանագիտական ճանապարհով մեր հողերն ազատագրելու համար և անընդհատ դա առաջարկել ենք։ Բայց ինչ-որ մեկը չցանկացավ, հետո ինչ-որ մեկը ժամանակ չուներ, ինչ-որ մեկը չհավատաց, և ինչ-որ մեկը պայմաններ առաջ քաշեց», - ասել է Զելենսկին:
«Եվ այսօր ես այնքան էլ չեմ հասկանում, թե ում հետ խոսել և ինչի մասին։ Ես վստահ չեմ, որ Ռուսաստանի այն նախագահը, որը երբեմն հայտնվում է կանաչ ֆոնին։ Նա հայտնվում է այնտեղ, բայց ես այնքան էլ չեմ հասկանում, որ հենց նա է այնտեղ, և լիովին չեմ հասկանում, որ նա ողջ է։ Արդյոք նա որոշում է կայացնում, թե այնտեղ ինչ-որ մեկն է որոշում կայացնում: Որն է դեմքերի շրջանակը: Ես նման տեղեկություն չունեմ», — ասել է Զելենսկին։
Զելենսկին նաև ուշադրություն է հրավիրել այն փաստի վրա, որ Ռուսաստանի Դաշնությունը եվրոպացի առաջնորդներին խոստացել է մի բան, իսկ հետո սկսել լայնածավալ ներխուժում Ուկրաինա։
«Ես ուղղակի չեմ հասկանում, թե ում հետ գործ ունենք. հետեւաբար, երբ խոսում ենք բանակցությունների մասին, ես այնքան էլ չեմ հասկանում, թե ում հետ։ Ինձ թվում է, որ Ռուսաստանը նախ պետք է «ինչ-որ մեկին» գտնի, հետո «ինչ-որ բան» առաջարկի»,- ամփոփել է Զելենսկին։
