ՀՀ Գեղարքունիքի մարզում 17-ամյա աղջիկ է մահացել։ Տեղեկությունը հայտնում է shamshyan.com-ը։  Մասնավորապես` հունվարի 2-ին` ժամը 09։50-ի սահմաններում, Մարտունու բժշկական կենտրոնից ոստիկանության Մարտունու բաժին ահազանգ է ստացվել, որ «սուր որովայնային խոռոչավոր օրգանի թափածակում» (Անցք, որն առաջանում է ստամոքսաղիքային տրակտի պատում։ Թափածակման պատճառներ կարող են հանդիսանալ վնասվածքները (դանակով հասցված վերքը, կոշտ և սուր առարկա ուտելը), աղիների խցանումը, հաստ աղիքի քաղցկեղը և այլ հիվանդություններ) ախտորորշմամբ իրենց մոտ է տեղափոխվել մի քաղաքացի։ 

«Ոստիկանները տեղում պարզել են, որ հիվանդանոց տեղափոխված քաղաքացին Գեղարքունիքի մարզի գյուղերից մեկի բնակիչ 17-ամյա Նազիկ Խ․-ն է, որը հիվանդանոցի վիրաբուժական բաժանմունքի վիրահատարանում մահացել է»,–գրում է կայքը։ 

Դեպքի փաստով ՀՀ քննչական կոմիտեի Գեղարքունիքի մարզային քննչական վարչության Մարտունու քննչական բաժնում նախաձեռնվել է վարույթ` սպանություն հատկանիշներով։ 
Քննիչի որոշմամբ նշանակվել է դիակի դատաբժշկական փորձաքննություն։ 

Կայքի տեղեկություններով` մահացածը սովորում էր Գեղարքունիքի մարզի դպրոցներից մեկի 11-րդ դասարանում։