Վրաստանում ռուսների հաշիվներն արգելափակվել են
Վրացական Bank of Georgia բանկը Ռուսաստանի քաղաքացիություն ունեցող իր հաճախորդներին ծանուցումներ է ուղարկել հաշիվների փակման մասին՝ առանց պատճառները բացատրելու։ Այս մասին լրատվամիջոցներին հաստատել են բանկի հաճախորդները, որոնց հաշիվներն արգելափակել են։
«Հայտնում ենք, որ բանկի որոշման և բանկի ներքին կանոնակարգի համաձայն՝ ձեր հաշիվը կփակվի երկու որոշ դեպքերում՝ հինգ աշխատանքային օրվա ընթացքում»,- ասված է բանկի հաղորդագրությունում, որն ուղարկվել է հաճախորդներին։
Բլոգեր Նիկոլայ Լևշիցը Telegram-ի իր ալիքում գրել է, որ արդեն հարյուրից ավելի նման դեպքեր կան։ Նրա խոսքով, հաշիվները փակվել են ոչ միայն վերջերս ժամանած վերաբնակիչների, այլեւ նրանց համար, ովքեր տարիներ շարունակ ապրել են Վրաստանում։ «Շատերը չէին օգտագործում Swift կամ կրիպտո, և քարտերն անհրաժեշտ էին կենցաղային նպատակներով», - ավելացրեց նա:
Վրացական բանկի ներկայացուցիչը «Կոմերսանտ»-ի հետ զրույցում հաստատել է հաշիվների փակման փաստը՝ հավելելով, որ փոփոխությունները վերաբերում են հաճախորդների որոշակի կատեգորիայի՝ «անկախ նրանց քաղաքացիությունից»։ Բանկը հրաժարվել է բացատրել, թե որն է պատճառը կամ նշել, թե ինչ չափանիշներով է բանկը արգելափակել հաշիվները։
