ԱՄՆ-ից Գերմանիա հասավ հեղուկացված բնական գազի առաջին խմբաքանակը
ԱՄՆ-ից Գերմանիա հասավ հեղուկացված բնական գազի առաջին խմբաքանակը։ Maria Energy հատուկ տանկերը այսօր մտավ Հյուսիսային ծովի Վիլհելմսհավեն նավահանգիստ, որտեղ վերջերս կառուցված լողացող տերմինալում հեղուկ գազը կվերածվի սովորական բնական գազի՝ գերմանացի սպառողներին մատակարարելու համար։ Այդ տերմինալը անցած ամսին բացել էր Գերմանիայի կանցլեր Օլաֆ Շոլցը։
Նաև նման փոխգործակցության շնորհիվ Արևմուտքը կրճատում է ռուսական գազի պահանջարկն ու կախվածությունը։ Նախատեսված են հեղուկ գազի կանոնավոր մատակարարումներ ԱՄՆ-ից Գերմանիա։
