Զոհրաբ Մնացականյանը` Ստեփանակերտ-Բաքու երկխոսության մասին
Ստեփանակերտ-Բաքու երկխոսության հարթակի ձևավորումը էական նշանակություն ունի: Հանրայինի եթերում ասել է ՀՀ նախկին արտգործնախարար Զոհրաբ Մնացականյանը:
«Արցախում ներքին մոբիլիզացումը զգում եմ։ Դա պարտադրող է բոլորի համար, որոնք հիմա Արցախում չեն։ Արցախի բնակչության համար կարգավիճակի հարցը գոյաբանական խնդիր է, բացի նրանից, որ ինքնորոշման խնդիր է։ Անջատում հանուն փրկության կոնցեպտի գործարկման անհրաժեշտությունը, հատկապես ներկա զարգացումների կոնտեքստում կարևոր է։ Ստեփանակերտ-Բաքու երկխոսության հարթակի ձևավորումը էական նշանակություն ունի, ճիշտ եմ համարում։
Էական նշանակություն նաև հարթակի ձևաչափը»,-ասել է Մնացականյանը։
Նա նշել է, որ Արցախն ու Ադրբեջանը անհավասար պայմաններում են և սա հաշվի առնելով` միջազգային մեխանիզմի առկայությունը խիստ կարևոր է։
«ՀՀ-ն մեծ դերակատարություն այստեղ ունի։ Առաջնային նպատակը հիմա ընդհանրապես այդ հարթակի ստեղծման հնարավորություն ստեղծելն է»,-ասել է նա:
