Պուտինը խոստովանել է, որ դեռ հուզվում է հրապարակային ելույթների ժամանակ
Ռուսաստանի նախագահ Վլադիմիր Պուտինը հայտարարել է, որ դեռևս հուզվում է հրապարակային ելույթների ժամանակ։ Նման խոստովանություն նա արել է ռազմական հատուկ գործողության մասնակիցների հետ հանդիպման ժամանակ։
«Ռոսիա 24»-ի եթերում Մոսկվայում ցուցադրվել է մրցանակաբաշխությունից հետո նախագահի և զինվորականների զրույցից մի հատված։
Արարողության ժամանակ կապիտան Դավիթ Մալիկինը շփոթել և հուզվել է ելույթի ժամանակ: Դրանից հետո Պուտինը մոտեցել է նրան և ասել.
«Ես 20 տարի զբաղվում եմ այս «կինո»-ով և նույնպես անհանգստանում եմ»,- ասել է Պուտինը զինվորականին։
Ավելի վաղ Վլադիմիր Պուտինը հայտնել էր, որ 300.000 մոբիլիզացված ռուսներից ներկայումս մարտական ստորաբաժանումներում են գտնվում միայն 77.000-ը։ Հատուկ ռազմական գործողության շրջանակներում Ռուսաստանի քաղաքացիների լրացուցիչ մոբիլիզացիայի կարիք չկա:
