ՏԵՍԱՆՅՈՒԹ․ Արցախում ռուս խաղաղապահները պատ էին կազմել ադրբեջանցի լրագրողներին առաջ չթողնելու համար
Ինչպես արդեն հայտնել էինք, միջադեպ է գրանցվել ռուս խաղաղապահների և ադրբեջանցի լրագրողների միջև։ Այսօր ադրբեջանցի մի խումբ «բնապահպաններ» հանդիպել են ԼՂ-ում ռուս խաղաղապահ զորախմբի հրամանատար Անդրեյ Վոլկովի հետ։
Հանդիպումը լուսաբանելու համար նրանց հետ եկած լրագրողները փորձել են քայլելով անցնել խաղաղապահների անցակետը, սակայն խաղաղապահները ներգրավել են լրացուցիչ ուժեր և խոչընդոտել նրանց՝ փակելով ճանապարհը։
Նրանք դիմելով խաղաղապահներին խնդրել են, որ իրենց մուտքը չարգելեն «իրենց երկիր»։
Քիչ առաջ հրապարակվել են կադրեր, որտեղ երևում է, որ խաղաղապահները պատ էին կազմել նրանց առաջընթացը կանխելու համար։
