Ադրբեջանցի բնապահպաններն այսօր Իվանյանում (Խոջալու) կշարունակեն բանակցությունները ռուս խաղաղապահների հետ
Ադրբեջանցի բնապահպաններն այսօր Իվանյանում (Խոջալու) կշարունակեն բանակցությունները ռուս խաղաղապահների հետ: Այս մասին հայտնում են ադրբեջանական լրատվամիջոցները:
Էկոլոգիայի և բնական պաշարների նախարարության, էկոնոմիկայի նախարարության գույքային հարցերի պետական ծառայության և «ԱզերԳոլդ» փակ բաժնետիրական ընկերության աշխատակիցները դեկտեմբերի 3-ին կայացած հանդիպումից հետո կշարունակեն քննարկումները ՌԴ խաղաղապահ ուժերի հրամանատարության հետ։
Նշվում է, որ Իվանյան շրջանի խաղաղապահների շտաբում տեղի կունենան քննարկումներ ռուսական խաղաղապահ զորախմբի հրամանատար, գեներալ-մայոր Անդրեյ Վոլկովի հետ։
Հիշեցնենք` դեկտեմբերի 3ին ադրբեջանցիները բնապահպանական պատճառաբանությամբ փակել էին Արցախը Հայաստանին կապող միակ մայրուղին:
