Ալիևն ու Թուրքիայի պաշտպանության նախարարը հանդիպել են

Gohar Vardanyan 1 րոպե 186 դիտում

05.12.2022 23:30

Ադրբեջանի նախագահ Իլհամ Ալիևը այսօր ընդունել է Թուրքիայի ազգային պաշտպանության նախարար Հուլուսի Աքարի գլխավորած պատվիրակությանը։ Այս մասին հայտնում են ադրբեջանական լրատվամիջոցները՝ վկայակոչելով երկրի նախագահի պաշտոնական կայքը։

Հանդիպմանը նշվել է, որ «2022 թվականը շատ հաջող տարի է Ադրբեջանի և Թուրքիայի միջեւ բարեկամական և եղբայրական հարաբերությունների զարգացման համար»:

Բացի դա, նշվել է, որ երկու երկրների միջեւ կապերն ամրապնդվում են բոլոր ոլորտներում, այդ թվում՝ ռազմական։ Նշվել է ներկայումս Ադրբեջանում անցկացվող ադրբեջանա-թուրքական համատեղ զորավարժությունների մեծ նշանակությունը, եւ այն, որ «Ադրբեջանն ու Թուրքիան այսուհետ ևս միշտ միմյանց կողքին կլինեն»։