ՏԵՍԱՆՅՈՒԹ․ Բայդենի և Մակրոնի արտասովոր երկար ձեռքսեղմումը քննարկման առիթ է դարձել
ԱՄՆ նախագահ Ջո Բայդենը և Ֆրանսիայի նախագահ Էմանուել Մակրոնը խոստացել են Ուկրաինային տրամադրել հակաօդային պաշտպանության համակարգեր և սարքավորումներ, որոնք անհրաժեշտ են էներգացանցը վերանորոգելու համար, գրում է Униан-ը: Նախագահները խստորեն դատապարտել են Ուկրաինայի դեմ Ռուսաստանի պատերազմը և խաղաղ բնակչության ու քաղաքացիական ենթակառուցվածքների հրետակոծությումը՝ նշելով, որ այդ գործողությունները ռազմական հանցագործություններ են, որոնց մեղավորները պետք է պատասխանատվության ենթարկվեն։ Բայդենը և Մակրոնը նաև դատապարտել են Ուկրաինայի ինքնիշխան տարածքը բռնակցելու Ռուսաստանի անօրինական փորձը, ինչը միջազգային իրավունքի խախտում է, հավելում է լրատվամիջոցը՝ հղում կատարելով համատեղ հայտարարությանը:
Նշենք, որ համացանցում ակտիվորեն քննարկվում Ջո Բայդենի և Էմանուել Մակրոնի արտասովոր երկար ձեռքսեղմումը։ |
