Araratnews-ը տեսանյութ է հրապարակել, որում երևում է, թե ինչպես է «5-րդ ալիքի» լրագրողը հեղույսը (բոլտը) դնում պատի մեջ, ապա տեսանկարահանում՝ մեղադրելով, թե պատերը վնասել են։ Auroranews-ը կապ հաստատեց 5-րդ ալիքի աշխատակցի՝ օպերատոր Միլենա Պողոսովայի հետ։ Վերջինս մեզ հետ զրույցում ասաց. «Հեղույսն արդեն պատի մեջ էր, ես մարդ լինելով եւ հասկանալով, որ այն փչացնում է ամեն ինչ, հանեցի, հետո հասկացա, որ իզուր արեցի, տեղը դրեցի, նկարահանեցի, այնուհետեւ դրեցի շինության մոտ եւ հեռացա: Ո՞վ է այն դրել պատի մեջ եւ ինչի՞ համար՝ ես չգիտեմ: Իմ միակ սխալն այն էր, որ ես հեղույսը հանեցի: Պետք չէր հանել, պետք էր թողնել տեղում»: 

Հարցին՝ գուցե իր տեսախցիկը միացված է եղել, եւ իր պատմածը ևս ֆիքսվել է, պատասխանեց, որ ոչ։