Ռուսաստանը Իրանի հետ ԱԹՍ-ների արտադրության շուրջ համաձայնության է եկել. WP

 Ռուսաստանը համաձայնության է եկել Իրանի հետ՝ սկսելու իր հողում կամիկաձե անօդաչու թռչող սարքեր արտադրել, պնդում է Washington Post-ը՝ վկայակոչելով արեւմտյան անանուն պաշտոնյաներին։

Հրատարակության համաձայն՝ ռուս եւ իրանցի պաշտոնյաները գործարքը վերջնական տեսքի են բերել այս ամսվա սկզբին Իրանում կայացած հանդիպման ժամանակ։ Նշվում է, որ տեղեկատվությունը հիմնված է նոր «հետախուզական տվյալների վրա, որոնք ստացվել են ամերիկյան եւ այլ արեւմտյան հետախուզական գործակալությունների կողմից»։

Ենթադրվում է, որ Իրանն ու Ռուսաստանը արագ սկսել են հիմնական բաղադրիչների մատակարարումը՝ մի քանի ամսվա ընթացքում անօդաչու թռչող սարքերի արտադրությունը սկսելու համար: