Իրանը կմեծացնի Հայաստան ներկրվող գազի ծավալները. Mehr

Իրանը և Հայաստանը պայմանավորվել են կրկնապատկել ՀՀ-ին վաճառվող բնական գազի ծավալը և երկարաձգել գազի առևտրի համաձայնագիրը մինչև 2030 թվականը, գրում է իրանական Mehr գործակալությունը՝ հղում անելով Oil Price-ի տեղեկություններին:

Նշվում է, որ Հայաստանն իր բնական գազի հիմնական մասը ստանում է Ռուսաստանից։ Սակայն Մոսկվայի հետ հարաբերությունները խարխլվում են, և Երևանը շուտով ավելի շատ այլընտրանքներ կունենա:

Գործարքը կայացել է Հայաստանի վարչապետ Նիկոլ Փաշինյանի՝ Թեհրան կատարած այցի ընթացքում։ Փոխըմբռնման հուշագիրը նոյեմբերի 1-ին ստորագրել են Իրանի նավթի փոխնախարար, Իրանի գազի հարցերով փոխնախարար Մաջիդ Չեգենին և ՀՀ տարածքային կառավարման և ենթակառուցվածքների նախարար Գնել Սանոսյանը։