09:00 Լուրերը մեկ տողով. Հայաստան-Ադրբեջան-ԱՄՆ հանդիպում. դատարանում՝ 103-ամյա վետերան

Անցած ժամվա լուրերը՝ հակիրճ և բովանդակային.

•Վաշինգտոնում կայացել է Հայաստանի, Ադրբեջանի և ԱՄՆ դիվանագետների հանդիպումը՝ նվիրված խաղաղության գործընթացին, տարածաշրջանային ենթակառուցվածքներին և հումանիտար հարցերին։

•ԱՄՆ-ում քննարկվել են Հայաստանի արտաքին քաղաքական առաջնահերթությունները և հայ-ամերիկյան ռազմավարական գործընկերության զարգացման հեռանկարները։

•Ռազմական ակադեմիայի շրջանավարտ սպաներին առաջին անգամ կտրամադրվեն 41 միլիոն 956 հազար դրամ արժողությամբ բնակարանի գնման հավաստագրեր. Պաշտպանության նախարար Սուրեն Պապիկյանը։ 

•Նախընտրական բարեգործության արգելքը խախտելու գործով Հակակոռուպցիոն դատարանը տեսակապով կհարցաքննի 103-ամյա վետերանի։

•Բաքուն հայտարարել է Նախիջևանի ուղղությամբ ենթակառուցվածքների պատրաստվածության և դրանց նկատմամբ Եվրամիության հետաքրքրվածության մասին։

•Ուկրաինական ԱԹՍ-ների հարվածների հետևանքով Ռուսաստանում դադարեցվել է խոշոր նավթաքիմիական համալիրի աշխատանքը:

•Ուկրաինական անօդաչու թռչող սարքերը հարձակվել են Նովորոսիյսկի վրա: Նովորոսիյսկում հայտարարվել է օդային տագնապ։

•Վաշինգտոնը հայտարարել է Եվրամիության միջոցով Ուկրաինային զենք մատակարարելու և Ռուսաստանի կողմից ամերիկացի նախկին զինվորականի ազատ արձակման մասին։

•Պանամայի ջրանցքի օգտագործման վճարները հասել են ռեկորդային 1,1 միլիոն դոլարի՝ ջրի մակարդակի անկման և տարածաշրջանային հակամարտությունների պատճառով։

•«Արարատ-Արմենիան» դուրս է մնացել Չեմպիոնների լիգայի որակավորման փուլից և պայքարը կշարունակի Եվրոպայի լիգայի փլեյ-օֆֆում։