Ռուսաստանի խոշորագույն նավթաքիմիական համալիրներից մեկը կանգ է առել ուկրաինական ԱԹՍ-ների հարվածից հետո

Ռուսաստանում գտնվող «ԶապՍիբՆեֆտեխիմ» նավթաքիմիական համալիրը ուկրաինական ԱԹՍ-ների հարձակման պատճառով դադարեցրել է գործունեությունը:

Ռուսաստանի Տյումենի մարզի Տոբոլսկ քաղաքում տեղակայված «Սիբուր» խմբի «ԶապՍիբՆեֆտեխիմ» նավթաքիմիական համալիրը օգոստոսի 10-ին դադարեցրել է իր աշխատանքը՝ ուկրաինական անօդաչու թռչող սարքերի հարվածի հետևանքով։ Այս մասին տեղեկացնում է Reuters-ը՝ հղում անելով ոլորտի աղբյուրներին։

Աղբյուրներից մեկը նշել է, որ Ռուսաստանի Դաշնությունում հեղուկացված նավթային գազի (LPG) արտադրության ամենախոշոր գործարանը չհստակեցված ժամկետով դադարեցրել է աշխատանքները՝ «հասցված վնասի չափերն ու դրանց հետևանքները գնահատելու նպատակով»։

Ոլորտի ներկայացուցիչները Reuters-ին փոխանցել են, որ «ԶապՍիբՆեֆտեխիմ»-ում տարեկան արտադրվում է մոտ 6 միլիոն տոննա LPG, ինչը կազմում է Ռուսաստանում դրա ընդհանուր արտադրության մոտ 40%-ը։ Գործարանի կողմից արտադրվող LPG-ի մոտ կեսը ծառայում է որպես նավթաքիմիական արտադրության հումք Տոբոլսկում գտնվող «Սիբուր»-ի ինտեգրված համալիրում։