Պուտին-Ալիև բանակցություններն ավարտվել են. զրույցը տևել է 2 ժամ 20 րոպե
Սոչիում ավարտվել են Վլադիմիր Պուտինի և Իլհամ Ալիևի բանակցությունները։ Նրանց առանձին զրույցը տևել է 2 ժամ 20 րոպե։
Տեղեկացնենք, որ առաջիկա ժամերին Սոչիում տեղի կունենա նաև Հայաստանի, Ռուսաստանի և Ադրբեջանի ղեկավարների եռակողմ գագաթնաժողովը։
ՌԴ նախագահ Վլադիմիր Պուտինն Ադրբեջանի նախագահ Իլհամ Ալիևի հետ հանդիպմանը հայտարարել է, որ այսօր Սոչիում կայանալիք եռակողմ հանդիպման նպատակը Ղարաբաղի հարցով 2020 և 2021 թվականներին ձեռք բերված պայմանավորվածությունների իրականացումն է։
Ռուսաստանի, Հայաստանի և Ադրբեջանի ղեկավարներն այսօր Սոչիում եռակողմ հանդիպում են ունենալու։ Պուտինն արդեն երկկողմ հանդիպումներ է ունեցել նրանցից յուրաքանչյուրի հետ։
Ռուսական լրատվամիջոցները չեն բացառում, որ եռակողմ հանդիպման ավարտին կընդունվի փաստաթուղթ, որի հիմք կհանդիսանա խաղաղության պայմանագրի կնքման համար։
