Աշխարհի չեմպիոն Արսեն Հարությունյանը` իր հաղթանակի մասին

Ըմբշամարտի Մ23 աշխարհի չեմպիոն Արսեն Հարությունյանը ֆեյսբուքյան իր էջում անդրադարձել է իր հաղթանակին` մասնավորապես նշելով.

«Շնորհակալ եմ բոլորիդ ջերմ շնորհավորանքների համար, սա մարզիչներիս, ընկերներիս, հարազատներիս, բոլորիս հաղթանակն է, ոչ-ոքի չեմ առանձնացնի, մեր բոլորիս ջանքերով ես նվաճեցի Մ23 տարեկանների կրկնակի աշխարհի չեմպիոն կոչումը։ Շնորհակալ եմ, որ կաք, որ իմ կողքին եք, ուղղում եք սխալներս, որ հաջորդ մրցաշարերին նույնպես լավ մարզավիճակով ներկայանամ։ Դեռ դժվար ճանապարհներ պետք է անցնենք մեկս մյուսին օգնելով ու հավատալով: Եվս մեկ անգամ շնորհակալ եմ բոլորիցդ»,-գրել է Հարությունյանը:

Հիշեցնենք, որ երեկ Պոնտեվեդրայում ընթացող Ըմբշամարտի աշխարհի առաջնության եզրափակիչում 61 կգ քաշային Արսեն Հարությունյանը Մ23 տարեկան առաջնությունում 7։5 հաշվով հաղթեց Ղրղզստանը ներկայացնող մարզիկին և դարձավ աշխարհի չեմպիոն։