Ռուսական զորքը նահանջել է Լիմանից. ՌԴ ՊՆ

ՌԴ ՊՆ-ն հայտարարություն է տարածել՝ տեղեկացնելով, որ շրջափակման սպառնալիքի պատճառով դաշնակից ուժերը լքել են Լիման ավանը, զորքը նահանջել է դեպի առավել շահավետ գծեր: Այս մասին հայտնում է «Ռիա Նովոստի»-ին:

Նշում է, որ վերջին մեկ օրվա ընթացքում Ուկրաինայի զինված ուժերի 66-րդ և 93-րդ բրիգադների դիրքերին հասցված հարվածների արդյունքում ոչնչացվել է ավելի քան 200 զինծառայող, 5 տանկ և 9 հետևակի մարտական մեքենա:

«Չնայած կրած կորուստներին՝ ունենալով ուժերի և միջոցների զգալի առավելություն, հակառակորդը պահեստազոր է բերել և շարունակել հարձակողական գործողությունն այս ուղղությամբ»,- նշված է տարածված հայտարարության մեջ։