Բելառուսին դուր չի եկել Փելոսիի այցը Հայաստան
Բելառուսի արտգործնախարար Վլադիմիր Մակեյը հայտարարել է, որ արեւմտյան առաջնորդների այցերը ՀԱՊԿ երկրներ ոչ թե նպաստում են հակամարտությունների կարգավորմանը, այլ ավելի են սրում դրանք։ Այս մասին հայտնում է BELTA գործակալությունը։
Մեկնաբանելով Փելոսիի այցը Հայաստան՝ Մակեյը նշել է, որ խաղաղարարի թիկնոց կրող այդպիսի «բազեների» այցերը ոչ մի լավ բանի չեն բերում։
«Արևմտյան առաջնորդների այցերը ՀԱՊԿ երկրներ ոչ թե նպաստում են հակամարտությունների կարգավորմանը, այլ ավելի են սրում դրանք»,- ասել է նա:
Ըստ Մակեի՝ Արևմուտքը շահագրգռված չէ ՀԱՊԿ-ի արդյունավետ գոյությամբ:
