Տղե'րք, կարմիր գծեր կան, որ չպետք է անցնել. Մալաթիա-Սեբաստիայի ղեկավարը՝ ոստիկաններին

«Եռաբլուրում» ոստիկանության գործելաոճը սխալ էր ու դատապարտելի, ֆեյսբուքյան իր էջում գրել է Մալաթիա-Սեբաստիա վարչական շրջանի ղեկավար Սաշա Կատվալյանը։

Զոհվածների հարազատները դեռ երեկ երեկոյից հավաքվել էին Եռաբլուրում, որպեսզի արգելեն վարչապետ Նիկոլ Փաշինյանի այցն այնտեղ։ 37 ծնողի ոստիկաններն ուժով հեռացրին տարածքից և ոստիկանության տարբեր բաժիններ տարան։ Նրանք ավելի ուշ ազատ են արձակվել։

«Եռաբլուրում որևէ ակցիայի իրականացումը երբևէ չեմ ընդունել ու չեմ ընդունի։ Եռաբլուրը քաղաքական խաղերի, կոչերի ու բողոքի վայր չի եղել ու չպիտի լինի։ Այսօր ոստիկանական ուժերը գործել են առնվազն ոչ պրոֆեսիոնալ և շատ վատ ձևով բերման են ենթարկել զոհվածների մայրերին։ Որպես Արցախյան պատերազմում զոհվածի որդի եմ ասում` ոստիկանության գործելաոճը սխալ էր ու դատապարտելի»,– գրել է Կատվալյանը։

Նրա խոսքով` կարմիր գծեր կան, որ չպետք է անցնել։