Անկարան հաշվետու չէ Եվրամիությանը. Էրդողան
Անկարան մտադիր չէ հաշիվ տալ Եվրամիությանը Սամարղանդում Շանհայի համագործակցության կազմակերպության (ՇՀԿ) գագաթնաժողովին մասնակցելու համար։ Այս մասին PBS-ին տված հարցազրույցում ասել է Թուրքիայի նախագահ Ռեջեփ Թայիփ Էրդողանը:
«ԵՄ-ը մեզ 52 տարի հետ կպահի, թույլ չի տա մոտենալ իրեն, հետո կհարցնի. «Ինչո՞ւ հանդիպեց այս երկրի հետ, ինչո՞ւ հանդիպեց մեկ ուրիշի հետ»», - ասել է Թուրքիայի ղեկավարը։ Նա ընդգծել է, որ Թուրքիան հաշվետու չէ Եվրամիությանը։
«Ես բանակցում եմ բոլոր երկրների հետ, քանի որ մենք բոլորս այս աշխարհի մասն ենք»,- ասել է Էրդողանը։
Նա հիշեցրել է Ռուսաստանի նախագահ Վլադիմիր Պուտինի, Չինաստանի նախագահ Սի Ծինփինի, Հնդկաստանի վարչապետ Նարենդրա Մոդիի հետ բանակցությունները։
