Վերջին միջադեպերն ուղեկցվեցին երկու կողմերից բազմաթիվ զոհերով, ցավոք սահմանային միջադեպեր պատահում են. Ալիև

Հրադադարի ռեժիմի պահպանումը սահմանին վկայում են այն մասին, որ ո՛չ Հայաստանը, ո՛չ Ադրբեջանը լայնածավալ սրացման մտադրություն չեն ունեցել․ այս մասին ՌԴ նախագահ Վլադիմիր Պուտինի հետ հանդիպմանն ասել է Ադրբեջանի նախագահ Իլհամ Ալիևը։
Այս մասին գրում է РИА Новости-ն՝ հղում տալով երկու երկրների ղեկավարների հանդիպմանը:

Ալիևը նաև երախտագիտություն է հայտնել Պուտինին՝ հայ-ադրբեջանական սահմանին սրացմանն արագ արձագանքելու համար։
 

Նա պնդել է, թե մարտական գործողությունները շարունակվել են 8 ժամից էլ քիչ, սակայն արդեն մոտ 2 օր է հրադադարը պահպանվում է, ինչը վկայում է այն մասին, որ ո՛չ Հայաստանը, ո՛չ Ադրբեջանը լայնածավալ էսկալացիայի մտադրություն չեն ունեցել։
 

Նա նշել է, թե «ցավոք սահմանային միջադեպեր պատահում են», իսկ սահմանին վերջին իրադրությունը ուղեկցվել է երկու կողմերից բազմաթիվ զոհերով, սակայն «կարևորը հաջողվել է կայունացնել իրադրությունն ու այն վերադարձնել խաղաղ ճանապարհ»։