Իրանի և Հայաստանի սահմանը պատմական հաղորդակցության ուղի է և պետք է մնա անփոփոխ. Աբդոլլահիանը՝ Բայրամովին

 Իրանի ԱԳ նախարար Հոսեյն Ամիր Աբդոլլահիանը և Ադրբեջանի ԱԳ նախարար Ջեյհուն Բայրամովը հեռախոսազրույց են ունեցել։ Իրանի ԱԳ նախարարը, մտահոգություն հայտնելով Հայաստանի և Ադրբեջանի միջև լարվածության կապակցությամբ, հայտարարել է, որ տարածաշրջանը պատրաստ չէ նոր հակամարտության։ 

Նրա խոսքով՝ «Իրանի համար կարևոր է տարածաշրջանի երկրների տարածքային ամբողջականությունն ու միջազգային սահմանների անխախտելիությունը»:
 

Ըստ տեղի ԶԼՄ-ների՝ Թեհրանը հանդես է գալիս Ադրբեջանի և Հայաստանի միջև հարցերը խաղաղ բանակցությունների միջոցով լուծելու օգտին և պատրաստ է օգնել այդ հարցում։ 

Նշենք, որ ըստ իրանական Fars գործակալության,  Իրանի արտաքին գործերի նախարար Ամիր Աբդոլլահիանը կարևորել է նաև Իրան-Հայաստան սահմանի փոփոխության անթույլատրելությունը։ Նա մասնավորապես ասել է․

«Իրանի և Հայաստանի սահմանը պատմական հաղորդակցության ուղի է և պետք է մնա անփոփոխ»։